PANTUN ACEH

Kumpuan Pantun dan sya'ir Aceh

 

Pancuri


Salam alaikom jame baro troeh 
tacoek penyampoeh seupot bak muka.
Jame yang bantroeh rupa pancuri 
tawiet bak gakie beu patah dua.

Hana loen sangka di jieh pancuri 
ciet kaleuh meuri diloen curiga.
Pakie pancuri nyoe ta peulaku 
ta cuet bak takue peu tarudoek mata.

Wahee pancuri get that meutuah
ku tinju babah hana meurasa.
Pokoen pancuri hana buet laen
kon jak meukawen ngoen sidroe dara.

Alahai pancuri beu katem ngaku
peu peu yang kacue rumoeh loen punya.
Alahai tuan hana lee kucue
cit barang baju ngoen ceulana.

Wahee pancuri han katem ngaku
toh get uloen hue dalam penjara.
Ampoen hai tuan uloen meungaku
yang laen kucue intan permata.

Wahee pancuri laju neupulang
ka peuneuriwang bak ureung punya.
Meuah hai tuan uloen cemeucue
bek geu mengadu nibak kapolda.

Wahee pancuri laju neu taubat
uroe akhirat amai ka hana.
Neujak seumbahyang dengoen
meungaji beuna taturi diloem puasa.

Tabayeu zakeut iklas geneubri
beu taek haji bak idul adha.
Hudep lam donya be leu ibadah
hana lee payah tamoeng siruga

Meurantoe

Tajak u gunoeng tapula campli
tajak u sigli mita keureja
Oeh troeh di sinan ta piyoeh siat
bak saboeh tempat di pante raja

Wate neupiyoeh roh teukem keudroe
teuingat bunoe meusuruek lam paya
Punah bak takem ka saket pruet pruet
han sapeu ta uet ubat pi hana

Nyan keu jieh seudeh hudep lam ranto
hana soe hiro ureung seulingka
Dijoek keureja di yu woet seumen
han temeu meuen keulileng kota

Meunyoe digampoeng rame goep sayang
ureung dum senang diloen bahagia
Ta pajoeh bu lawan bu pi tan
yang sambai beulacan lawoek ngoen sira

Boeh pane mangat nyan model makanan
yang loen naksu ayam ngoen jus markisa
Hudep didonya cit leupah seudeh
oeh uroe abeh tamoeng siruga.

Pantoen satria

Bungoeng seulanga ranteng bak pucoek
bak simantoek koeng leupah na
meunyoe cinta hana ta peutroek
han jeut keubuet tan sapue guna

Boh ketapang dikap dek tupe
boh rimueng pate dikap dek buya
menyoe taduek ngoen inoeng cuble
hana me teunte dikeun peu yang na

Cicem ceurendet di po lam tamah
leupah keu ceudah di meusuara
menyoe donya ka habeh meu ubah
hana trep lee kiamat teuka

Gunoeng mount everest lepah keu manyang
sijuk kon wayang salju disana
wahee oe rakan beu tem sembahyang
wate masa nyan ditanyoeng pertama

Donya maya

Aneuk miet aloeh ban jeut seumajoh
di rimueng sampoeh ban jeut membaca
lon duek bak keude neu baca koran
inan tersimpan bandum beurita

Beurita loen baca leupah keu sunggoeh
dirimung buloeh hanyoet lam kuala
Oeh kaleuh bosan neubaca koran
loen piyoeh keunan bak warnet saja

Loen buka situs cit saboeh macam
asoe didalam maria ozawa
Oeh ban loen eu foto inong nyan
langsoeng disinan ka teugroeng mata

tema aleuh nyan lon buka fesbuk
laju lon peuduk cursor bak beranda
loen eu obrolan 20 orang
langsong petimang jari ban dua.

Ureung papua kulet jih hitam
gigo didalam puteh meucahya
Pantoen loen peuget cit lage nyoe macam
bak jeut hiburan ke gata dumna

Beugadang

Assalamualaikum wahe e taulan
Rahmat bak Tuhan keu tanyoe dumna
Teuma keu Nabi Seulaweuet salam
Dum seukalian Ahli keuluarga

Bacut na haba nibak lon tuan
Keu rakan-rakan nyang muda-muda
Bek that meujaga oh watee malam
Bek that beugadang menyo tan guna

Awoh ngon tuboh kachoe pekeran
Meunan hai rakan kheun Haji Rhoma
Watee ta tilek sang bit nyoe meunan
Saweub beugadang ka teulat jaga

Kayem takalon seureng ta pandang
Rab rata simpang ureung meujaga
Geu maen pikak, seukak ngon Ek nam
Kadang bak kadang meu ujong dawa

Nyang galak bola pih laen macam
Sabe tiep malam bak layeue kaca
Na nyang meujudi pasang tarohan
Bloe Inter Milan nyang meunang Barca

Menyoe lagee nyoe sabe e rakan
Manfaat syit tan mudharat nyang na
Sabe beudoh eh kayem poh lapan
Kadang syit kadang meujan-jan poh sa

Ureung nyang meugoe ka tuwoe u blang
Ureung meuladang tuwoe boh baja
Nyang keurja kanto mace bak jalan
Ka salah timang nyang meukat saka

Wi-fi

Bacut lon peugah haba lon chi
 Nyoe jameun Wi-fi ka troh ji teuka
Rab mandum kanto ngon warong kupi
Internet wifi ka tersedia

Leupah that mudah bak silaturrahmi
Ngon dua jari dan layeue kaca
Pangkai hana le dua lhee tali
Saboh glah kupi ngon sikrek bada

Dumna berita sigra keutahui
Saweub informasi tan le kendala
Walaupun jarak juoh han sakri
Sidroe di Sigli sidroe di jawa

Tapi that sayang wahee e akhi
karena Wi fi tuwoe sikula
siuroe suntok bak warong kupi
bak poker judi peulale mata

nyang galak fesbuk nyan laen lagi
komen geurasi nibak beranda
memacam bagoe sesuka hati
na jatoh hati na nyang sakit kepala

habeh gob teupeu masalah pribadi
tan le privasi nyang jeut rahsia
mulai keude kurap bak gaki
meunan cit wali bhah rumoh tangga

na syit nyang laen wahe e dek ti
bak gamba keuji laman geubuka
deuh ureung teulhon Allahu rabbi
lagee di Bali bak pantai kuta

Ureung beu 'o

Ureueng beu-o hana saho roeh Hana peue pajoh ‘oh watee tuha Jinoe yoh muda beusunggoh-sunggoh Mangat dumho roh ‘oh watee jaya‘Oh watee beungoh kayem lam riyohTapeugoe ah-oh han jitem jaga Baro meurasa geuba peunyampoeh Gantoe Ma kiroeh nibak seumubla Bak aneuk beu-o tayue sampoh broeh Kayem dipiyoh nibak keureujaTayue jak saweue campli di lampoeh Sabe cit kiroh lam dimeudawa Tayue jak ublang dijak peuhah coeh Neulop beureutoeh unja jihila Tayue top ateueng ngat tadrop tikoeh Ateueng ka putoeh jitubok raya Tayue jak ugle ji saweue lampoeh Sampe poh siploh goh troeh jigisaTuwo jitoep ret dak jeuet tabloeh-bloeh Kabeh bui pajoeh seunaman nyang na Dijak bak Teungku jibeuet tan sunggoeh Dale meuratoeh jipeugah haba Geudhoetle Teungku jih mantong riyoh Awe plah tujoeh baro tan subra Bak jak sikula jareueng nyangna troeh Kayem dipiyoh bak rangkang tuha Jan rakan jiwoe dijih pihka troehSang saban sunggoeh takalon rupa Takalon raport hate teuh putoeh Ban saboh tuboeh mirah meucula Dijih tan malee tan sagai kiroh Nyang na cit riyoh ayah ngen poma Hek kutaguen bu hek ku teumeucroeh Jiteubiet reuoh bak kurah ija Kajak sikula tan sunggoeh-sunggoeh‘Oh hana luloeh teuman ka rasa Palak diayah geumat peunyampoeh Diplueng beureutoeh sigam lam payaTrok dua uroe jiwoe gohlom troeh Ka geumeuratoeh geumoe dipoma Sayang ureueng syik aneuk lam tuboeh Adak jeuet beutroeh lagee geucita Aneuk beucarong, rayek dumho roeh Sabab ka utoeh manyang sikula Meunye cit bangai hana saho roeh Rangkasoe utoeh cit gob jak mita Uleh seubab nyan wahe adoe beh Beusunggoeh-sunggoeh watee yoh muda

Daily Categories